【短片】【圖輯】劉曉慶現真身零瑕疵冇皺紋？

57,816

最後更新: 0910 01:15 / 建立時間: 0909 19:51

58歲劉曉慶同內地富商王曉玉結婚成為熱話，而劉曉慶容貌越來越後生，回春有術，早前穿婚紗行禮時，皮膚更是滑捋捋，超級滑溜，保養得宜到搵唔到歲月痕跡咁滯，認真厲害。

對於被指越來越後生，睇返噚晚劉曉慶出席慶功時啲相，好似冇乜瑕疵同皺紋咁喎，劉曉慶喺舞台劇慶功宴上解釋：「世俗人說我整容，我說沒有，但他人說我講大話。我只是心態和個性好，很少惱怒，一個月都惱怒幾分鐘，所以心態最重要。」

至於嘉玲就話喺上海已經睇過劉曉慶呢套舞台劇，講到劉曉慶解釋因為唔會惱怒，所以越來越後生，嘉玲就話：「我都要學佢。」

另外，問到劉曉慶鍾意老公邊方面，佢就話：「好全面，尊敬他各方面都好，可以照顧我。」

咁老公點追佢？劉曉慶話：「我不相信梗固的愛情，是不婚主義者，對婚姻恐懼，沒有他我找不到適合的愛情，但他令我相信。」

終於見到58歲劉曉慶真身，大家點睇呢？	多角度的劉曉慶。	佢喺現場派喜糖。
到達慶功宴時的表情。	well....	劉嘉玲同劉曉慶喜相逢。
點解咁唔同？因為以下呢輯，都係劉曉慶微博「發相」。	美圖秀秀？唔使啦。	劉曉慶發相，永遠有一種「朦朧美」。
劉曉慶發相。仍然皮光肉滑。		少女的微笑
劉曉慶話相當尊敬老公。（資料圖片）	劉曉慶結婚當天，當個超滑溜新娘。（資料圖片）	真係58歲？（資料圖片）